डॉक्टर तारक आरोलकर यांची गोव्यातील काही महत्त्वाच्या विषयांवर केंद्रीय मंत्री श्रीपाद नाईक यांच्याशी भेटी दरम्यान चर्चा…

आपण दोन वेळा मला प्रमुख पाहुणे म्हणून आमंत्रित केले होते, परंतु व्यस्त कार्यक्रमांमुळे सहभागी होता आले नाही. त्यामुळेच आज मी खास तुमची भेट घेऊन दिलगिरी व्यक्त करण्यासाठी आलो आहे,” असे मंत्री नाईक यांनी सांगितले.

या भेटीदरम्यान, डॉक्टर तारक आरोलकर यांनी गोव्यातील काही महत्त्वाच्या विषयांवर चर्चा केली. विशेषतः स्थानिक लोकांच्या बेकायदेशीर आणि अनियमित घरांच्या समस्येबाबत त्यांनी चिंता व्यक्त केली. त्यांनी सांगितले की, आलदोना मतदारसंघात हा प्रश्न मोठ्या प्रमाणावर असून, स्थानिक लोकांमध्ये भीतीचे वातावरण निर्माण झाले आहे. अनेक नागरिकांनी या समस्येवर तोडगा काढण्यासाठी मदतीची विनंती केली आहे. त्यामुळे केंद्रीय मंत्री व उत्तर गोवा खासदार या नात्याने आपण लक्ष घालावे, अशी मागणी त्यांनी मंत्री नाईक यांच्याकडे केली.

या विषयावर सकारात्मक प्रतिसाद देताना, केंद्रीय मंत्री श्रीपाद नाईक यांनी मुख्यमंत्र्यांशी चर्चा करून लवकरच काही ठोस निर्णय घेतला जाईल, असे आश्वासन दिले. तसेच, या समस्येवर त्वरित एक ॲक्शन प्लॅन तयार करण्याचेही त्यांनी यावेळी स्पष्ट केले.