कामूर्ली येथे घराला आग… समारे दोन लाखाहून अधिक रुपयांचे नुकसान.

कामूर्ली येथे घराला आग लागून समारे दोन लाखाहून अधिक रुपयांचे नुकसान.

म्हापसा :- पाटो कामुर्ली येथील डिकुन्हा यांच्या घरांला आग लागली, ज्यामुळे सुमारे २ लाख रुपयांचे नुकसान झाले. अग्निशमन दलाच्या जवानांनी वेळीच आग आटोक्यात आणल्याने मोठी दुर्घटना टळली. आग वाळलेल्या गवतावर पसरली आणि घरापर्यंत पोहोचली.

ही घटना सोमवार, १० रोजी सकाळी ११.४० वाजता घडली. दिकुन्हा कुटुंब घराला कुलूप लावून निघून गेले होते. घराच्या मागे असलेल्या मोकळ्या जागेत असलेल्या वाळलेल्या गवताला कोणीतरी आग लावली होती. उष्णतेमुळे आग घरात पसरली. कौलारू घराच्या स्वयंपाकघराचे आणि आणखी एका खोलीचे नुकसान झाले. आगीत घरातील स्वयंपाकघरातील फ्रिज, ओव्हन आणि इतर सामान जळून खाक झाले.

म्हापशे अग्निशमन दलाचे कॉन्स्टेबल विष्णू गावस, देवेंद्र नाईक, प्रवीण गावकर, भिकाजी काळोजी आणि लविंदर साळगावकर यांनी परवारी अग्निशमन दलाच्या कर्मचाऱ्यांच्या मदतीने आग आटोक्यात आणली.