पणजी : भारतीय नौदल महिलांच्या ऐतिहासिक नाविका सागर परिक्रमेचा अंतिम टप्प्यासाठी आयएनएसव्ही तारिणीला केप टाउनहून समारंभपूर्वक हिरवा झेंडा दाखवण्यात आला असून मे महिन्याच्या शेवटी त्या गोव्यात पोहचतील.

 भारतातील समुद्री नौकानयनाला प्रोत्साहन देण्यासाठी, गणवेशातील भारतीय महिलांची ताकद आणि लवचिकता दाखवण्यासाठी आणि भारताच्या स्वदेशी जहाजबांधणी क्षमतांवर प्रकाश टाकण्यासाठी हे प्रदक्षिणा एक महत्त्वपूर्ण टप्पा आहे. सध्या सुरू असलेल्या नाविका सागर परिक्रमा २ चा भाग म्हणून, लेफ्टनंट कमांडर दिलना के आणि लेफ्टनंट कमांडर रूपा ए यांनी दक्षिण आफ्रिकेतील केपटाऊनमधील आपला नियोजित कार्यक्रम संपवून निरोप दिला.

यावेळी केप टाउनमधील भारताचे वाणिज्यदूत, दक्षिण आफ्रिकेतील भारताचे संरक्षण अटॅची, आरसीवायसी गव्हर्निंग कौन्सिलचे सदस्य आणि केप टाउनमधील भारतीय समुदायाचे प्रतिनिधी उपस्थितीत होते.

केपटाऊनच्या बंदर भेटीदरम्यान, आयएनएसव्ही तारिणीने असंख्य संपर्क आणि राजनैतिक सहभागाचे केंद्र म्हणून काम केले. या जहाजाने अनेक आदरणीय पाहुण्यांचे स्वागत केले ज्यात दक्षिण आफ्रिकेतील भारताचे उच्चायुक्त प्रभात कुमार,

वेस्टर्न केपचे उपसभापती रेगन ऍलन, माजी आंतरराष्ट्रीय क्रिकेटपटू जोनाथन रोड्स, प्रतिष्ठित गोल्डन ग्लोब रेस २०२२-२३ च्या विजेत्या आणि एकट्याने प्रदक्षिणा घालणाऱ्या

कर्स्टन न्यूशेफर, केपटाऊन येथील भारताच्या कौन्सिल जनरल रुबी जसप्रीत, भारतीय डायस्पोराचे सदस्य आणि स्थानिक मान्यवर यांचा समावेश होता. या भेटीमुळे देशाला सांस्कृतिक देवाणघेवाणीची संधी मिळाली आणि भारत आणि दक्षिण आफ्रिकेतील वाढत्या सागरी सहकार्यावर प्रकाश टाकला