शिवाजी महाराजांच्या पुतळ्याचे १७ मार्चला होणार अनावरण… निलेश वर्णेकर 

• शिवाजी महाराजांच्या पुतळ्याचे १७ मार्चला होणार अनावरण… निलेश वर्णेकर

शब्दशारदा :- शिवोलीती समर्थन संघटना तसेच सामाजिक निधीद्वारे उभारण्यात येत असलेल्या छत्रपती शिवाजी महाराजांच्या अश्वारूढ पुतळ्याचे अनावरण आता १७ मार्चला दुपारी होणार असल्याची माहिती येथील स्वामी समर्थ मठाचे संस्थापक तसेच अध्यक्ष नीलेश वेर्णेकर यांनी दिली.

मठाच्या सभागृहात शुक्रवारी घेण्यात आलेल्या पत्रकार परिषदेत वेर्णेकर यांनी ही माहिती दिली. छत्रपती शिवाजी महाराज अश्वारूढ पुतळ्यासाठी येथील थिएटर जंक्शन परिसरात उभारण्यात येत. असलेल्या चौथऱ्याचे काम लांबणीवर गेल्याने पुतळा अनावरण कार्यक्रमात बदल करण्यात आल्याचे वेर्णेकर यांनी सांगीतलें.
१७ मार्चला छत्रपती शिवाजी महाराजांची जन्मतिथी असल्याने सर्वसंमतीने हा निर्णय घेण्यात आला असून त्यादिवशी अनावरण कार्यक्रमात सहभागी होण्यासाठी कोल्हापूरहून विशेष ढोलताशे आणि नृत्य पथकांना आमंत्रित करण्यात आल्याची माहिती समर्थन संघटनेचे प्रेमानंद आरोलकर तसेच नितीन आगरवाडेकर यांनी यावेळी दिली. गोवा राज्य तसेच महाराष्ट्र राज्यातील अनेक राजकीय तसेच सामाजिक क्षेत्रातील मान्यवर यावेळी उपस्थित राहाणार असल्याने शिवप्रेमींनी मोठ्या संख्येने उपस्थित रहावे, असे आवाहन समर्थन संघटनेचे सचिव यदुवीर सिमेपुरुषकर यांनी केले आहे. पत्रकार परिषदेत प्रणव परब, दीपक आगरवाडेकर, कांचन पेडणेकर आदी उपस्थित होते.